ابوذيات جديدة جميلة وحلوة لعيونكم

علي دوم ألليالي تلف ... وتدور
ولجلك رخصيت ألذهب ... وألدر
أحبك من زمان ألدار ... وألدور
شعجب لمن كبرنة تخون بية

حبك سره بنص أحشاي (دورة)
عزيز وألك بالشريان (دورة)
أذا شكيت هاك ألكلب (دورة)
أذا غيرك لكيت أعتب عليه

وحق الي محه العزه و ... محه اللات
شفافك عسل من ربك ... محلات
الك شارع وسط قلبي و ... محلات
محل حب ومحل طيبه وخويه

علي ضحكت شماتي ... والاغراب
وبجه حتى النسر لاجلي ... والاغراب
عجيبه انت شكثر قاسي ... والاغرب
ما اكدر اكرهك مو بديه

هجم حبك على أسنيني ... غزلهه
وروحي بمغزل الحسره ... غزلهه
الرسايل بس الك يحلى ... غزلهه
لأن طبعك وفي وروحك وفيه

احبك مااحب على الارض سواك
سبحان الذي من طين سواك
بشر لكن وية الكمر ساوك
واحد فوك واحد بين ادية

حبيبي مايحن كلبك على بجاي
وريدك بس تجي وتمر على بجاي
اصيرن الك نركيله وعلب جاي
بلكي شوي يحن كلبك عليه

ارد ابوسك على شفافك وارد حي
وعلى دكات كلبك ارد حي
سألت اليموت بيوم هم يرد حي
كتلي اذا مرض حبك صاربيه

الدنيا جنه تصير وانته بيهه
وصرت طفله بنار حبك وانته ابيهه
اكتله الكال واحد ما ابيهه
حبيبي واعز الناس اليه

تنسى .. تغيب .. ترحل ... بكيفك انته !
بس رسم حبي أعله ايدك .. بكفك انته
سألت كلبي بغيابك .. كيف كنت ؟!
جاوبني.... بلا كلب باقي اليــــه.

كلبي ما رغب عكبك ولا حب
ولا فكر بحب غيرك ولا حب
مريض انا وما اريد ابرة ولا حب
بس شوفتك ترد الروح بية

رويت بحسنك يعمري وانضميته
وشعر جالي بغرامك وانضميته
وجهك شمس لعيوني وان ضميته
كل هموم الليل يحنن اليه

هلا يشايل بخدك ورد ياس
الحزن ظل واكف بابك ورد ياس
يسالونيdo you love hisورد يس
حبيبي واغلى من روحي علية

عسل مو دم اظن ينزف وريدك
وطفل صار الكلب يبجي ويريدك
الك مشتاق يالغالي واريدك
كل لحظة بسنة غيابك علية

من فركاك نهرالدمع صبيت
الك تمثال وسط الكلب صبيت
اصب الجاي وكلاصين صبيت
حسبتك كاعد ونشرب سوية

وين الردوووووووووووووووووووووووووووووود

» ابوذيات حلوة لعيونكم
» ابوذيات حلوة جدا
» ابوذيات رومانسية 2011
» دارميات 2011 لعيونكم
» ابوذيا حلوة جديدة لعيون المحبين